Қыз баланың қайырымдылығы (8 сынып, III тоқсан )

 Қыз баланың қайырымдылығы (8 сынып, III тоқсан )

Пән: Қазақ тілі
Бөлім атауы: Жасөспірім және заң
Сабақтың тақырыбы: Қыз баланың қайырымдылығы
Осы сабақ арқылы жүзеге асатын оқу мақсаттары: 8.1.2.1 әлеуметтік-қоғамдық, мәдени-тарихи тақырыптарға байланысты диалог, монолог, полилогтердегі (интервью, пікірталас үзінді) автор көзқарасы мен экспресивті-эмоционалды сөздердің рөлін талдау
Сабақтың мақсаттары: Шығармалардың композициялық құрылымын анықтау.
Кейіпкердің образына баға беру.
Сабақ барысы: Оқушылар суреттер арқылы сабақтың тақырыбын болжайды. Оқу мақсатымен танысып, бағалау критерийлерін белгілейді.
Оқылым алдындағы тапсырма
Оқушылар ер бала мен қыз баланың табиғатына тоқталып, психотиптік ментальді карта құрайды. Жұмыстар сағат тілімен топтан-топқа көшіп, жауаптар толықтырылып отырады.
Оқылым тапсырмасы
Қыз баланың қайырымдылығы
Екі ай бұрын келін түсіріп, ұлан-асыр той жасап, алғашқы баласын аяқтандырған шаңырақтың екінші ұлы да ағасының жолын қуып, отау құрғысы келетін сүйінші хабарын айтады. «Тойдың болғанынан боладысы қызықпен» жүріп, екінші тойды да ойдағыдай өткізеді. Қос қуанышқа тағы бір той қосылып, үлкен ұлы енші алып, бөлек шығады. Өз алдына жеке шаңырақ көтергенде есік көрсету тойын жасап, ырым-жырымын толық орындап болса да, үйге келді-кетті адам аяғы басылмайды. Бірде танысқалы келдік деп жаңа көршісі есік қақса, енді бірде қоныс тойларыңа келе алмап едік деп кәрі нағашысы келеді. Қонысқа құт әкелетін қонақтардан өзге жаңа үйдің есігін қағып, мазалаушылар көбейіп кетеді. Бір күні ері мен зайыбы ақылдасып, бүгін ешкімге есік ашпаймыз деп шешеді. Сөйтіп отырғанда аяқ астынан жігіттің ата-анасы келіп қалады. Келісімді бұзбайық деп есікті ашпайды. Қағып-қағып, кетіп қалады. Енді тынышталдық па дегенде, тағы есік қағылады. Есіктің кішкене тесігіне көз салса, қыздың әке-шешесі екен. Есік біраз уақыт қағылған соң, қыз ашайық деп жалынады. Қыздың жүрегі жұқа ғой, көз жасына ерік беріп, ақыры күйеуін есікті ашуға көндіреді. Бұл оқиға ұмытылып кеткендей болды. Арада аунап айлар, жылжып жылдар өтті. Жас шаңыраққа бірінен соң бірі шекесі торсықтай төрт ұл келді. Төрт ұл қарындасты болды. Сол күні әкесі ерекше қуанып, естен кетпес той жасады. Келген қонақтар:
– Азамат-ау, дүниеге төрт ұлың келгенде бұлай қуанбап едің, қыз балаң үшін осынша қуанғаныңның сыры неде? – деген сұрағына,
– Ертең маған есік ашатын жан келді өмірге, – деп қыз баланың қайырымдылығын астармен жеткізген екен...
Топтық/Жұптық жұмыс
Оқушылар мәтінді оқып, түсінгенімен топ ішінде бөліседі.
«Сократ» әдсі бойынша композициялық құрылымын анықтайды.
Жеке жұмыс
ПОПС әдісін қолданып, кейіпкерлердің (ері мен зайыбы) әрекетіне баға береді
Оқылымнан кейінгі тапсырма
Жағдаят бойынша жауап дайындау.
Кейіпкерлердің орнында сіз болсаңыз, қандай әрекет жасар едіңіз?
Оқушылардың өзара бағалауы......


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  • Автор: Umit
  • 1 035



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі