Балапан және оның достары (7 сынып, II тоқсан )

Пән: Қазақ тілі
Бөлімнің тақырыбы: Сүйіспеншілік пен достық
Сабақтың тақырыбы: Балапан және оның достары
Осы сабақ арқылы жүзеге асатын оқу мақсаттары: Т/А1 Мәтін үзінділерін тыңдай отырып, оқиғаның дамуы мен аяқталуын болжау.
ӘТН 4.2 Еліктеу сөздердің стильдік мәнін түсініп қолдану.
Сабақтың мақсаттары: Мәтін мазмұнын болжай алады және өз нұсқасын жазу кезінде еліктей сөздерді орынды қолдана алады.
Сабақ барысы: Оқушылар суретке қарап сабақтың тақырыбын болжайды.
Оқушылар тақырыпты болжаған соң сабақтың мақсатымен танысып, жетістік критерийлері оқушылармен бірге жасалынады.
1. Тыңдалымалды тапсырма:
«Атаулар көмегімен болжау» стратегиясы арқылы тыңдалым мазмұны неге қатысты екенін болжаңдар.
- Әр бала өз жұптарында талқылап, өз жауаптарын толықтырады. (Жұптық жұмыс).
2. Тыңдалым тапсырмасы:
«Балапан және оның достары» тақырыбындағы аудиомәтіннің бірнеше үзіндісін тыңда, оқиғаның қалай дамығанын жазбаша жалғастыр. (Оқушылар өздерінше болжап аяқтайды.) (Жеке жұмыс)
Тыңдалымнан кейінгі тапсырма
Мұғалім «Кідіріспен оқу» стратегиясы арқылы тыңдалым мәтінін үш бөлікке бөліп тыңдатады, оқушылар үш бөлімді болжап жазады. Әр болжамнан кейін дұрыс жауап тыңдалып, оқушылар өз нұсқаларын салыстырады.
Болжам жазу кезінде төмендегі сөздер мен сөз тіркестерін қолданыңдар: арс, гүрс, дүрс, қорс, тарс, тырс, ырс, барқ, борт, күрт, кірт, морт, сарт, шырт, дүңк, күңк, қыңқ, мыңқ, маңқ, саңқ, шаңқ, шіңк, сыңқ, таңқ, тыңқ, ыңқ, болп, былп, жалп, желп, қолп, ірк, ырқ, сарт-сұрт, тарс-тұрс, арс-ұрс, жалт-жалт, жалт-жұлт, қалт-қалт, қалт-құлт, қаңқ-қаңқ, қаңқ-құңқ, шаңқ-шаңқ, шаңқ-шұңқ, арбаң-арбаң, бүгжең-бүгжең, арсалаң-арсалаң, ербелең-ербелең, батыр-бұтыр, далаң-далаң, тарбаң-тарбаң, қызараң-қызараң, қаңғыр-күңгір, қайқаң-құйқаң, митың-митың, салаң-сұлаң, ыржың-тыржың.
Дескрипторлар:
1. Тақырыптың мазмұнын суретке қарап болжай алады;
2. Зейінін шоғырландырып, тыңдай алады;
3. Әр бөлімнің соңын мазмұнына сай болжай алады.
4. Өзінің болжауында еліктеу сөздерді қолдана алады.
Грамматикалық норманы меңгерту
Оқушылар өздерінің жазған мәтіндерінде қолданған еліктеу сөздердің астын сызып, мұғаліммен бірге осы сөздердің ерекшелігін зерттейді.
Тапсырма: өздерің астын сызған сөздердің қандай қызмет атқаратынын, қандай мағына беріп тұрғаныны анықтаңдар. Ол сөздерді алып тастасаңдар қандай өзгерістер байқайсыңдар.
Осы талқылаулардан кейін мұғалім толықтырып, еліктеу сөздің түрлері мен қызметі туралы мәлімет береді.
Дескрипторлар:
1. Еліктеу сөздерді сөйлемдерінде орынды қолдана алады;
2. Еліктеу сөздердің ерекшелігін тани алады;
3. Еліктеу сөздің сөйлемдегі қызметін анықтай алады......