Ауа райы туралы сипаттау мәтінін жазуға идеялар жинау (1-сабақ) (2 сынып, IV тоқсан )

Пән: Қазақ тілі (Т2)
Ұзақ мерзімді жоспар бөлімі: Қоршаған орта
Сабақ тақырыбы:Ауа райы туралы сипаттау мәтінін жазуға идеялар жинау (1-сабақ)
Осы сабақта қол жеткізілетін оқу мақсаттары: (оқу бағдарламасына сілтеме)2.4.1.1 заттың сынын білдіретін сөздерді қолдана отырып, берілген иллюстрация бойынша өзара байланысқан сөйлем (3 сөйлемнен кем емес) / сөйлемді суретпен толықтырып жазу/ постер құрастыру
Сабақ мақсаттары:Барлық оқушылар: заттың сынын білдіретін сөздерді қолдана отырып, сөйлемдер жазады.
Көптеген оқушылар: заттың сынын білдіретін сөздерді қолдана отырып, өзара байланысқан сөйлем жазады.
Кейбір оқушылар: заттың сынын білдіретін сөздерді қолдана отырып, өзара байланысқан сөйлемдерді жүйелі жазады.
Сабақ барысы: (Ұ) Қызығушылықты ояту. «Диктор уақыты». Оқушылар берілген шаблонға сүйеніп, күнмен, ауа райымен таныстырады.
• бүгін нешесі?
• бүгін қай күн? (дүйсенбі, т.б.)
• ауа райы қандай?
Оқушыларды сабақтың тақырыбы және мақсатымен таныстыру.
(Ұ) «Қатесін тап». Оқушылар берілген суреттерге қарап, суреттерде ненің дұрыс емес екенін айтады.
Тапсырманың мақсаты – оқушылардың сыни ойлауын дамыту.
(Ж) «Карусель» ойыны. Оқушылар өздерінің заттары арқылы жұптарға бөлінеді. Әр топ сағаттың тілімен қозғала отырып, берілген сөйлемді толықтырып жазып отырады.
Оқушыларға көмек ретінде киім атаулары суреттерімен ілініп тұрады. Әр жұп бір рет көмекке жүгіне алады.
• Күн жаңбырлы, сондықтан ................... кию керек.
• Бүгін күн ыстық, сондықтан ............... кию керек.
• Бүн боранды, сондықтан .................... кию керек.
• Күн салқын, сондықтан ................... кию керек.
• Күн желді, сондықтан ....................... кию керек.
• қолғап
• тон
• жылы етік
• бөкебай
• жылы бас киім
• пальто
• куртка
• бәтеңке
• жемпір
• етік
• көйлек
• қалпақ
• жеңіл аяқ киім
• шолақ шалбар
• футболка
Тапсырманың мақсаты – оқушылардың айтылым дағдысын дамыту.
Кері байланыс. «Бағдаршам» арқылы жұмысына кері байланыс жасайды.
Жасыл түс – жеңіл болды
Сары түс – аздап қиын болды
Қызыл түс – қиын болды.
(Ө) «Мен білемін!» Оқушылар тапсырмаларды орындайды. Тапсырмалар қиындық деңгейіне сай ажыратылған. Қай деңгейді орындайтынын оқушы өзі таңдайды.
Тапсырманың мақсаты – оқушылардың жазылым дағдысын дамыту.
ІІІ ДЕҢГЕЙ. Сөйлемді аяқтап жаз. ...