Ауруханаға бару / дәрігерге қаралу №3 (1 сынып, 8 бөлім )

Ұзақ мерзімді жоспар бөлімі: Дені саудың – жаны сау
Сабақтың тақырыбы:Ауруханаға бару/дәрігерге қаралу№3
Осы сабақта қол жеткізілетін оқу мақсаттары: (оқу бағдарламасына сілтеме)
1.1 Зейін қойып тыңдау
1.1.1.1 Сөздерді зейін қойып тыңдайды, түсінеді және дұрыс қабылдайды
3.1 Зейін қойып оқу
1.3.1.1 Таныс сөздерді буынға бөліп оқиды және сөздердің мағынасын түсінеді.
Сабақтың мақсаттары:
Барлығы: Сөздерді зейін қойып тыңдайды. Таныс сөздерді буынға бөліп оқиды.
Көбі: Сөздерді зейін қойып тыңдайды, түсінеді. Таныс сөздерді буынға бөліп оқиды және сөздердің мағынасын түсінеді.
Кейбірі: Сөздерді зейін қойып тыңдайды, түсінеді және дұрыс қабылдайды. Таныс сөздерді буынға бөліп оқиды, сөздердің мағынасын түсінеді және сөйлем құрастырады.
Сабақ барысы: Ертеңгілік шеңбері
(Ұ) Сыныптағы барлық оқушыдан әңгіме жоспарында берілген сөздерді пайдалана отырып, әңгімені мазмұндайды. (Бір күні, бірінші, сосын, кейін, соңында)
Бүгінгі сабақтың тақырыбы:
Ауруханаға бару/дәрігерге қаралу№3
Бүгінгі сабақтың оқу мақсаты:
• Қандай дәрігерлер болатынын білу;
• Дәрігер не істейтінін айту.
(Тақтада оқушыларға арналған оқу мақсаты жазылады.) Сабақ мақсаттарымен оқушыларды таныстырып өту.
(Ұ) Бірлесіп оқу әдісімен мәтінді оқиды, оқушылар мұқият тыңдайды.
Дәрігерде
Адам ауырғанда дәрігерге барады. Түрлі дәрігерлер болады: тіс дәрігері, балалар( педиатр) дәрігері, хирург, терапевт,т.б.
Дәрігер – мейірімді адам. Ол науқас адамның қал-жағдайын сұрайды. Қызуын градусникпен өлшейді. Дәрігер науқас адамның ауруын анықтайды. Сосын оны емдейді.
Оқушылар мәтіндегі сөздердің мағынасын түсіндіреді.
Сұрақтарға жауап береді.
• Адам ауырғанда қайда барады?
• Қандай дәрігерлер болады?
• Дәрігер қандай адам?
• Ол не істейді?.....