Бастауыш | Мен қандай баламын

Тәрбие сағат тақырыбы: Мен қандай баламын
Тәрбие сағат мақсаты: 1) Оқушылардың өздерінің қандай бала екенін анықтауына көмек беру.
Міндеттері: 1) Оқушы өзін-өзі тануға ұмтылады.
2) Өзіне-өзі есеп беріп,өзін-өзі жетілдіріп тәрбиелеуге талпынады.
Тәрбие сағатта қолданылатын стратегиялар: топқа бөлу,ой қозғау,ақ пен қара тізімі,өзіме хат.
Тәрбие сағаттың көрнекілігі: интербелсенді тақта
Тәрбие сағаттың түрі: тәлім сабақ
Тәрбие сағаттың барысы:
1.Ұйымдастыру кезеңі
2. Қызығушылықты ояту
Топқа бөлу ( әр түрлі қағаз қиындыларын құрастыру арқылы топқа бөлу)
2.1Кіріспе әңгіме. Мұғалім сөзі
-Бүгінгі біздің сабағымыздың тақырыбы сұрақ түрінде берілген,яғни ол «Мен қандай баламын» деп аталады.
-Сабақтың сендер үшін мақсаты оңы мен солыңды аңғарғаныңды,жеткен жетістіктеріңді бағалап,өзіңді қаншалықты білетініңді таразыға тартып,ортаға салып оны ары қарай дамыту.
2.2 Ой қозғау
Сұраққа жауап алу арқылы тақырыпқа ену.
а) –Балалар «мен қандаймын»? не « Мен қандай баламын» сұрағы төңірегінде не айтуға болады?Осы сұрақ бойынша топта әркім өз ойын айтып оны ортаға салуларыңды сұраймын.
ә) –Ал өзіңді-өзің тану дегенді қалай түсінесіңдер?
3. Мағынаны тану
-Енді балалар әр топ бастауыш сынып қабырғасында жүрген әр жылына баға беріп ортаға салайық. (Оқушылар ойын тыңдау)
-Жақсы балалар айтқандарыңа қарай сендердің өз істеріңе зер салып,зерделей алатындарыңа куә болдым.Сонда да қаншама жақсы қасиеттерімізді саналап айтсақ та кез келгеніміздің бойымызда кемшіліктерімізде кездесіп қалады.
-Қалай ойлайсыңдар,менімен келісесіңдер ме?
-Онда қолдарыңдағы сызбаға өзін-өзі жетілдіру ,өздеріңнің жағымды қасиеттерің мен кемшіліктеріңді теріп жазыңдар.
Менің жақсы қасиеттерім:
1.
2.
3.
Менің кемшіліктерім:
1.
2.
3.
4. Ой толғаныс
- Енді өзімізге өзіміз кеңес беріп көрейік.Ол үшін « Өзім үшін жазу» стратегиясын қолданамыз.
-Дәл қазір өздеріңе-өздерің кеңес беріп хат жазып көріңдер.Ол «Өзіме хат» деп аталады.(Оқушылар хат жазады, жауаптарын оқыту)
-Міне бүгіннен бастап өздеріңе өзің ақыл да бере алатын болдыңдар.
-Ендеше балалар бағанадағы айтқандарыңды қорыта келе 21-ғасыр оқушылары қандай болуы тиіс деп ойлайсыңдар?
(Оқушылар өз ойларын ортаға салады.)
-Балалар бүгінгі сабағымызды мына сөздермен аяқтағым келеді.
Өзіңді- өзің таны да,
Тағы да ойлан, тағы да.

Жақсылық көрсең біреуден,
Мен қандаймын? –деп ойла
Жамандық көрсең біреуден,
Мен қандаймын?-деп ойла