Малшының құлдығына түскен 30 жастағы арудың сіңлісі жанайқайын айтты

Малшының құлдығына түскен 30 жастағы арудың сіңлісі жанайқайын айтты

Бүгінде малшының құлына айналған қыздың тағдыры 9 сыныптан бастап тас-талқан болған. Мектеп оқығанда жүкті болған аруға туыстары түсік жасатып, жігітін түрмеге отырғызыпты. Артынша анасымен бірге еріп кеткен ол өгей әкенің де ойыншығына айналған екен. Дәлірек айтқанда, азамат өгей қызын арақ үшін малшыға айырбастап жіберген. Бұл оқиғаны журналист Жазира Бегалы өз Facebook парақшасында жариялаған деп жазады NUR.KZ.

Белгісіз әйел әпкесінің басына түскен оқиғаны егжей-тегжейлі баяндап берген. Өз отбасын құрған ол туыстары әпкесін көргісі келмейтінін, оны ешқандай тойға шақырмайтынын жеткізіпті. Малшының құлдығына түскен бауыры бірнеше рет қашуға бел буған да екен.

"Қаңтарда аяз сақылдап тұрған түні әпкем тереземді қағып тұр. Аяқ киімі жоқ. Қалшылдап, жылы үйге кіріп, құлап қалды. Ол біздің үйде жүрді. Ауылда бір жігітпен отау құрды. 4 айдан кейін малшы оның мекен-жайын тауып алыпты. Үйімізді екі күн торуылдап, әпкемнің үйін сұрастырып біліп, ақыры түнгі төртте күйеуі, ата-енесінің айқай-шуына қарамастан көлікке салып, алып кеткен. Оған мекен-жайды өгей әкем берген екен", - дейді келіншек.


Әйелдің айтуынша, малшы әпкесін төсекке де сүйрелейді екен.

"Әпкем сол малшының құлы. Мал бағады, сиыр сауады. Жалақы алмайды. Күнде ұрып-соғады екен. Әпкем бірде көрші ауылдың малшыларына қашып, сол жақтан пана табады. Тағы да оны қожайыны іздеп, ұрып-соғып, жайлауға алып кетіпті. Ол малшы, сауыншы ғана емес. Жыныстық қатынасқа да мәжбүрлейді екен. Шындықты қалай жасырамын. Ол жылағанда сүйегім сырқырайды", - деп жазған ол.


Келіншектің сөзінше, осыдан үш жыл бұрын оның күйеуі әпкесін құлдықтан құтқармақ болған.

"Үш жыл бұрын күйеуім оны құлдық қамытынан құтқарамын деп полициямен барады. Нәтижесіз. Полиция да түк шара қолданбаған. Өйткені біздің қорғанымыз жоқ. Менің әпкемнің бұл азаптан құтыламыз деген үмітіміз жоғалды", - деген мұңын шаққан әйел.

Бұл оқиғаны жариялаған журналист 30 жастағы бойжеткеннің туған-туысқандары қатігез екенін айтып, қазір кейбір фактілерді зерттеп жатқанын жеткізген.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі