Қазақша Құттықтау - тілек: Туған күн (атама)

Қазақша Құттықтау - тілек: Туған күн (атама)

Тартып бізді мейірімді қойынға,
Ерік беріп шалқаладың мойынға.
Айтушы едің көргеніңді жыр етіп,
Біздің құлақ даладағы ойында.
Жатсаң дағы жалғыз аяқ жайыңмен,
Намазыңды оқитынсың жайымен.
Тоқымаққа тәжірибеңді біздерге
Асығыпсың,аңғармаппыз,жай білгем.

Немерем дейсің елжіреп,
«Суйейін сені» келші деп.
Айтушы еді үлкендер
Атаның сөзі емші деп.
Батаңды алып мен жүрсем,
Бағыма менің сен күлсең.
Ауырма,Ата,қартайма,
100-жасқа қарай жең түрсең.

Қазақша Құттықтау - тілек: Туған күн (Ата - 60 жас)

Алпыс жасың, Аташым, болсын құтты!
Еш ауырмай денсаулығын болсын мықты.
Немере мен шөбере көбейсін де,
Көре алмаған жандар тек болсын күпті.

Қазақша Құттықтау - тілек: Туған күн (Ата - 70 жас)

70-тің желкесіне шықтың, Ата,
Өз аузыңнан алайын берші бата.
Денсаулығың мықты боп 100 жасқа жет,
Әр ісіммен жүрейін мен қуанта.

Немересін артық көрген баладан,
Үйренейік Ата сынды данадан.
Олар білген жайлар бізге тым керек,
Оқыған ғой оның бәрін даладан.
Олар бізге сыйға берген бақ-шыны,
Тілейікші әлемдегі жақсыны.
Қариялар аман болсын әрқашан,
Ортаймасын айтар бізге қап сыры.

Айырып жақсылықты жамандықтан,
Қайырған жауыздықты адалдықтан.
Ақылдың кеніші,Ата,еш ауырма,
Жанды ұққан,бір қараумен жанарды ұққан.


Үйреттің өзің ерінбей,
Өмірдің әрбір сабағын.
Ақылдың өзен-көліндей,
Түспесін,Ата,қабағын.
Берерің маған көп әлі
Білгеніңді,Атажан.
Ақылың азық жеп әлі
Қалмаймын мен де қатардан.

Келіпті өмір ащысы,тұщысы да,
Төрден орын беріпсің бақ құсына.
Алмағайып кезеңдерде қайыспаған
Ата,сенен асқан жан жоқ қой,сірә.

Қазақша Құттықтау - тілек: Туған күн (Ата - 75 жас)

75 жаста әлі тың көрінесің,
Өмірде үлгі болып,төр кіресің.
Қуанып жатыр бүгін ұл-қызыңыз,
Ақылдан әлі талай тор тігесіз.
Жүріңізші немерені сүюмен
Біздерге ақыл,өсиетті түюмен.
Жүре берші сабырлықтың үлгісі
Бағдар берер баталы Ата күйіңмен!

Береке-бірлік бастауы,
Шындықтың қолдар шашбауы.
Аман жүр,Ата,әрдайым,
Жамандықтың қас жауы.

«Баталы ел арымас,
Батасыз ел жарымас».
Батаны берер,Аташым,
Қартаймай алға қадам бас!

Шағырақтың түндігін еш түсірмей,
Уықтарын қадаған тік мүсіндей.
Отбасының керегесін кең етіп,
Жүрсің,Ата, мәртебеңді түсірмей.
Бақытты бол әжемменен,жан Ата,
Қуаныштың санын әр күн саната.
Қартаймаңдар 100-ге жетіп ғұмырлар,
Жүріңдерші ақыл нұрын тарата.



Комментарии для сайта Cackle