Тағдыр кейде көндірмес құламауға

 Тағдыр кейде көндірмес құламауға

Тағдыр кейде көндірмес құламауға,
Жығылсам да тырыстым жыламауға.
Бос көңілім тек қана жасқа толды,
Шыдамай әділетсіз бұла дауға.

Қайтейін өмірімді тұманды еткен,
(Қолыма алмадым ба Құран көптен?)
Алайда Жаратқанға тәубе қылдым,
Қайтер ем ғұмыр кешсем бұдан да өткен.

Шыңдалдым саралаумен санамды әр күн,
Жарандардың ниетін сан аңғардым.
Шын түсіндім ақ,қара өмір заңын,
Көргенде пенделігін адамдардың.

Кей-кейде ақындықпен еркіндедім,
(Сонда да уәдемнің сертінде едім)
Бір адамға жақсылық жасау үшін,
Мың адамға қиянат келтірмедім.

Кетті ғой бұдан бетер бастан қайғы,
Өткенді ойлап жүректен жас парлайды.
Не пайда аһ ұрғанмен,шарқ ұрғанмен,
Қайтадан жастық өмір басталмайды...

Жангелді (Жан-сері) Немеребай

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі
Пікір жазу