Ғабиден Қожахмет | Алтын теңге

  Ғабиден Қожахмет | Алтын теңге


Өз жолына түсіп алып сүрлеу соқпағымен кіп-кішкентай Құмырсқа келе жатыр еді, кенет алдынан пенде шыға келді. Пенде Құмырсқаны бір-ақ мыжып өлтіре салсам ба екен деп ойлады. Сол оймен пенденің дәп-дәу бәтеңке киген аяғы көтеріліп келе жатыр еді, осы кезде Құмырсқа:

- Ей, пенде, тұра тұр! Айтатыным бар, - деді.

- Не айтайын деп едің? - деді пенде Құмырсқаға сайқымазақ дауыспен. Сөйтті де, өзі жүресінен отыра қалды: - Ал айт, айтатыныңды! Әйтпесе, мыжи салам!

- Жақсылық жаса, - деді Құмырсқа.

Пенде Құмырсқаның сөзіне күйіп-пісті:

- Сол ма айтайын дегенің?! Сол да жаңалығы бар сөз бе?!

- Жақсылық жасасаң, өзіңе пайдасы тиеді, - деді Құмырсқа.

- Сауабы тиеді десейші, - деді пенде мырс етіп. - Соны мен білмейді деп ойлайсың ба?!

- Оны айтып тұрған жоқпын, - деді Құмырсқа. - Жақсылық жасасаң, әмияныңнаң бір түйір алтын теңге тауып аласың.

Пенде Құмырсқаның сөзіне ішек-сілесі қатып күлді:

- Кіп-кішкентай болып алып сен де мені алдағың келеді, иә? Сенімен сөйлесіп отырған мен де ақымақ. Мен сен түгілі, өзім сияқты пендеден алданбаймын ғой.

- Сенбесең, сынап көр, - деді Құмырсқа. - Бірақ сол бір түйір алтын теңгені қанағат ет.

Сөйтті де, Құмырсқа пендені айналып өтіп, өзінің жолына түсіп жүре берді.

Пенде сол күні жақсылық жасады. Бірақ үйіне келе жатып: "Қайдағы бір Құмырсқаның сөзіне сеніп, алтын уақытымды босқа кетіргенімді айтсайшы. Одан да сол уақытымды өзіме пайдасын тигізер бір іске жұмсасам нетті?" - деп өкініп келе жатты.

Пенде кешкісін әмиянын ашып қалып еді, ішінде жарқырап жатқан бір түйір алтын теңгені көріп қуанып кетті. "Алтын теңге тауып алдым! - деп айғай салды пенде. - Бұл енді менікі! Менің ақшам!

Сонан соң пенденің көңіл-күйі түсіп кетті. Бағанағы Құмырсқаның "соны да қанағат тұт" деген сөзін тарс есінен шығарып: "Неге алтын теңге біреу-ақ? Мен бүгін екі адамға жақсылық жасап едім ғой", - деп томсырайып өкпелеп отырды.



Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі