Менің елім - менің Қазақстаным

 Менің елім - менің Қазақстаным

Бақытжанова Мейірім
10 сынып, физ-мат. Мектеп-интернаты
Жетекшісі: Өтеп Г.Ә.

Бұл құдіретті сөзді Қазақстан Республикасының әрбір азаматы асқақ сезіммен, мақтанышпен айта алары хақ. Өйткені біздер, жастар, асқақ арман жетегінде, отаншылдық рухты ту еткен ұлттық ұл-қыздары қасиетті қазақ топырағында өсіп-өніп, мекен етіп, достық қарым-қатынаста, береке мен бірлікт, тыныштық пен татулықта өмір сүріп жатырмыз.
«Отан үшін отқа түс-күймейсің,»- деп Бауыржан Момышұлы айтқандай, ата-бабаларымыз қанын төгіп, жанын беріп, басынан нелер кешпеді, нелер өткермеді десеңізші? Азаттық жолында құрбан болған, азап шегіп, қасірет тартқан бабаларымыздың ерлігін қалай ұмытармыз. Ұмытпаймыз да, ұмытылмайды да.

Біз бақытты ұрпақпыз! Біз осы жарасымды тыныс-тіршілігімізді Елбасымыз жан-жақты ойлап, кемел ойлы, кемеңгер ата-бабаларымыздың жолымен жүрген ақыл-парасатының, азаматтық саясатының нәтйжесі деп білемін.

Адамгершілік, ар-ұят, абырой, патриотизм жеңісті күндерді жақындатқан рухани құндылықтар . Бұл құндылықтардың әрқайсысы өте маңызды. Дегенмен, қазіргі қоғамда аса құнды рухани дәнекер – патриотизм – отаншылдық. Патриотизм – Отанды сүю. Патриотизмнің маңызды элементтері – ұлттық рух пен ұлттық патриотизм. Соның ішінде ұлттық рухты қазақ халқының тарихын жан-жақты сараптай отырып кеңейтуге , дамытуға болады. Бабаларымыз ел қорғау сезімін, туған жерді қастерлеуді, аялауды ұрпақтар бойына дарыта білген. Отансүйгіштік рух – халықтың әлемдік өркениетті елдер қатарына қосылып, дүниежүзілік қауымдастықтан лайықты орын алуға мүмкіндік беретін бірден-бір күш.

Кейде, шіркін, бір өзіне бірнеше мемлекет сыйып кететін ұлан байтақ жерді ата-бабамыз сан ғасырлар бойы қанаттыға қақтырмай, тұмсықтыға шоқыттыртпай қалай аман сақтаған деп таңданамын...

Шынында да, талай зобалаң кезеңді бастан кешірген Қазақстан «Найзаның ұшымен, білектің күшімен» өзінің жер көлемін сақтап қалған.

Н.Ә.Назарбаевтың «Қазақстанның болашағы – қоғамның идеялық бірлігінде» атты еңбегінде: Көп ұлтты Қазақстанда ұлттық мүдделерді жүзеге асырудың бір ғана жолы бар екені айдан анық. Ол қазақ ұлтының біріктіруші ролі жағдайында барлық халықтардың теңдігін қамтамасыз ету, - деп жазған болатын. Осы орайда еліміздің егемендігі қалай келгендігі, тәуелсіздігін алған жас

мемлекеттердің алғашқы жылдардағы бастарына түскен ауыртпалықтар, олардан кімдер қандай жолмен өткен, соның ішінде біздің Қазақ елінің айналамыздағы кешегі одақтас, бүгінгі көршілес елдер арасында өз жолымызбен өркендеуіміздің арқасында қантөгіссіз, қақтығыссыз бүгінгі күнге жеткені және осының бәріне Тұңғыш Президентіміздің көрегендігі мен кемеңгерлік саясаты негіз қалағанын айтуға болады. Сонымен қатар көптеген елдердің тағдыры, халықтың тағдыры сынға түскен шақта Еуразияның жүрегінде орналасқан алып Отанымыз – Қазақстан елді есеңгіреткен оқиғалардың қанды қақтығыстардан аман шықты. Әрине, 130-ға тарта ұлт мекен еткен кең-байтақ еліміздің іргесінің берік, бірлігінің мықты болуы көп еңбектің нәтижесі деп білемін . Тарихи өлшеммен алғанда қас-қағым сәтке тең келетін осы уақыт ішінде еліміз талай жетістіктерге жетіп , өзіміз бен бір қоғамнан тараған елдердің алдыңғы легінде ілгеріге қарқынды қадам басып келеміз. Еліміздің экономикасы нығайып, әлеуметтік тұрмыс жағдайымыз шүкір, күн санап жақсарып келеміз.

Айналаға барлай көз жіберсем, өзгелермен салыстырғанда әлдеқайда мол табыстарға жеткенімізді аңғарамын. Мысалы: Өзге елдердің арасындағы татулықтың қаймағы бұзылып, алауыздық етек жайып жатыр емес пе? (Украинадағы жағдай) Егемендік алған еліміздің еркін тыныстап, тәуелсіздігімізді түбегейлі етудеміз. Н. Назарбаев елімізде әлемдегі дамыған 50 елдің қатарына қосу міндетін алға тартқалы бері, ол мақсатқа о баста көздеген мерзімінен бұрын қол жеткелі бері, әсіресе мемлекетіміздің алдына ең озық отыздықтың арасынан арын алу міндеті қойылғалы бері бізде көп нәрсе өзгеруі керек. Даланың өзгеруінің де, қаланың өзгеруінің де басты шарты – сананың өзгеруі.

Кейінгі ұрпақ, біздер, халқымыздың ерлік дәстүрін әрі қарай жалғастырамыз.

Сен үшін, Отан, сертім сол – Неден де болса тайынбан!

Киелі менің өрісім, Барлығы – дағы сен үшін,

-деген М.Мақатаевтың өлең жолдары осының айғағы болса керек. Бүгінгі жас ұрпа – болашақ Қазақстан азаматы. Сол себепті жастықтың жалынымен, бойдағы күш-қуат, қарым-қабілетпен, ойдағы ұшқынмен Отан-Ананың тірегі болуымыз керек. ХХІ ғасыр – білім, ғылым, бәсеке ғасыры болғандақтан, рухымыз мықты, ұжданымыз күшті, елге, жерге деген адалдық керек. Әрбір жас ұрпақ өзін мемлекетінің өткеніне, бүгініне және ертеңіне тікелей қатысты екенін сезініп, Отан тағдыры үшін өзіне жеке жауапкершілік жүктелетінін терең білуі керек деп ойлаймын. Тәуелсіз ел болу деген қандай бақыт! Қазақстан – Тәуелсіз!

Қазір біз ашық аспан, жарық күн сәулесі түсіп тұрған, кең байтақ, халқы ынтымақты, болашағы жарқын мемлекетте өмір сүріп жатырмыз. Бұл ақиқатты өзіміздің негізгі рәміздеріміз-ақ дәлелдейді.

«Алтын күн аспаны, Алтын дән даласы»,
деп басталатын әнұранымыздың алғашқы жолдарының өзі-ақ Қазақ елінің кеңдігін, бейбіт өмірін айқын көрсетіп тұр.

Шынымен де, «Малым – жанымның садақасы, жаным арымның садақасы» деп ар-намысын жоғары қойған халық екеніміз анық. Ежелден елдігімізді түзетумен келе жатқандықтан біз әр бір атаулы күндер мен әр бір қабылданған заңның, ардақты рәмізіміздің қадірін жақсы түсінеміз, қастер тұтамыз.

Кез келген елдің тәуелсіздігін оның мемлекеттік рәміздерін бөліп алып қарауға болмайды. Еліміздің егемендігі мен тәуелсіздігінің қасиетті нышандарын қадірлеу – Қазақстанды Отаным дейтін, өз тағдырын және ұрпақтарының келешегін қазақ жерімен байланыстыратын барша қазақстандықтың отан алдындағы қасиетті міндеттерінің бірі. Кез келген өркениетті елге тән ортақ ұқсастықтар мен рухани құндылықтар болады. Рәміздер солардың бірегей нышандары. Өйткені рәміздер әр мемлекеттің тәуелсіздігін білдіруімен қатар, елдікке шақыратын, тұтастыққа ұйыстыратын, бірлікке үндейтін, жүректегі патриоттық сезімді оятатын, Отанды, жерді сүюге жетелейтін, ерлік дәстүрлер мен сабақтастық рухында тәрбиелеуге жұмылдыратын айшықты белгілер болып саналады. Еркіндігіміздің Көк байрағы көкте желбіреп, Елтаңба төрде орын алып, Әнұран шырқай орындалғанда, ата-бабаларымыз сан ғасырлар аңсаған елдік қалпымыз бен сүттей ұйыған тірлігімізге, дербес саяси және экономикалық даму жолына түскенімізге щүкіршілік айтып, толқымайтын жан, езілмейтін жүрек, селт етпейтін көңіл болмас, сірә!


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі
Пікір жазу
Пікірлер 2
  1. Бибімариям
    Бибімариям 12.05.2022 10:36
    0 + 0 -
    Тәуелсіздікке қол жеткізген сәттен бастап, өз елін жарқын болашаққа жетелеген көшбасшымыз Нұрсұлтан Назарбаев. Қазақ елі аз уақыт ішінде тарихта бұрын-соңды болмаған табыстарға қол жеткізді. Бүгінгі Қазақстанның басты мақсаты - экономиканы дамыту, ең дамыған 30 елдің қатарынан көріну, Мәңгілік Қазақстан жобасы осы мақсатқа жеткізетін ұлы бастама. Мәңгілік ел болу- біздің өз қолымызда. Ол үшін өзімізді үнемі қамшылап ұдайы алға ұмтылуымыз керек. Байлығымыз да, бақытымыз да болған мәңгілік Тәуелсіздігімізді көздің қарашығындай сақтай білуіміз керек. Мәңгілік сөзі ата- бабалардан келе жатқан мәңгі өлмейтін асыл қазына. Ол ана тілмен де тығыз байланысты. Ана тіліміз мәңгілік елімізбен бірге мәңгілік тіл болады. Еліміздің ертеңі - жастардың қолында. Сондықтан да біз Елбасын қолдап, сабағымызды жақсы оқып еліміздің өркендеп өсе беруіне өз үлесімізді тигізуіміз керек. Мәңгілік ел - ата-бабаларымыздың сан мың жылдан бергі асыл арманы. Қазақстан 2050 Мәңгілік елге бастайтын ең абыройлы ең мәртебелі жол деген Президентіміз. Олай болса мәңгілік елдің онымен қатар жасап бірге дамыған мәңгілік тілі болуы да шарт. Ол мемлекеттік тілі қазақ тілі. Қазіргі кезде мемлекеттік тілді дамыту жөнінде шаралар жүзеге асырылуда. Қазақтың армансыз адам қанатсыз құспен тең деген даналығы бар. Біздің ата-бабаларымыздың басты арманы Тәуелсіздік болғанын ешкім жоққа шығара алмайды. Білікті мыңды жығар дегенді өмірдің өзі дәлелдеуде. Сондықтан да өркениетті елдердің қатарына ену үшін сапалы білім алып, оны ел мұратына пайдалана білуіміз керек. Бұл біздің, яғни, оқушылардың алдына қойған мақсаты. Олай болса ана тілімізді де мәңгілік тіл ету - өз қолымызда. Сондықтан да рухы биік ел болайық! Елдігіміз бен туған тіліміз мәңгілік жасай берсін!
  2. Гг
    Гг 12.05.2022 10:34
    0 + 0 -
    Еліміз