Қазақстанда жанармаймен жүретін автокөлік өндірісі тоқтатылады

Бұл туралы VI машинақұрылысшылар форумында ҚР инвестиция және даму министрі Жеңіс Қасымбек мәлімдеді.

Еуроодақ елдері 2050 жылдан бастап дәстүрлі жанармаймен жүретін автокөлікті пайдалануға тыйым салу туралы директив қабылдады. Соған байланысты 2030 жылдан бастап елімізде бұндай көліктердің өндірісі тоқтатылады.

“Біз біртіндеп экологиялық таза өнімдерге ауысып жатырмыз. Бұл дегеніңіз, 2030 жылдан бастап мұнай көліктер зауыттан шығарылмайтынын білдіреді. Осы трендке сай, Қазақстан да алғашқы өнімдерін сынақтан өткізуде. Алматы мен Астана және өзге де өңірлерде жаңа электромобильдердің пайдаланылуына мүмкіндік беретін инфрақұрылымдарды дамыту қолға алынуда,” – деді министр.