Мектептің ішкі тәртіп_ережесі_ 2024

Мектептің ішкі тәртіп ережесі

І. Негізгі жағдайлары

1. Ішкі тәртіп ережелері мектеп және оның аумағында қолданылады.

2. Ереженің мақсаты, мектепке және оның аумағында сабақ оқуға, еңбек етуге қажетті жағдай жасау, жеке тұлғаға жан-жақты тәрбие беру арқылы азамат тұлғасын қалыптастыру.

3. Ережені бұзғаны үшін төмендегі шаралар қолданылуы мүмкін:

-алдын алу мақсатында әңгіме жүргізу, педагогикалық кеңесте қарау, ұжымдық жиналыста, директордың өткізетін кеңесінде талқылау,

-мектепішілік қадағалау тізіміне, аудандық кәмелетке толмаған жасөспірімдер ісі бөлімінің есебіне қою,

-материалдық шығынды өтеу

-ата-анасына әкімшілік шара қолдану

4.Ережені бұзғаны туралы ақпарат ата-аналарына, қамқоршысына жеткізілуі тиіс.

5.Ереже оқу үрдісіне қатысушылардың барлығына қолдарын қойғызу арқылы таныстырылуы тиіс.

ІІ. Оқу-тәрбие үрдісіне қатысушылар (мұғалімдер, оқушылар, ата-аналар, педагогтар) ҚҰҚЫЛЫ:

• Өзінің адамгершілік қадір-қасиетін сыйлата білуге, өз ойын еркін айтуға;
• Жалпы орта білім берудің мемлекеттік жалпы міндетті стандартына сай тегін бастауыш, негізгі және орта білім алуға;
• Келесі сыныпқа толық оқу бағдарламасын меңгергеннен кейін көшірілуіне;
• Ғылыми зерттеулерге, эксперименттерге, жарыстар мен олимпиадаларға қатысуға;
• Мектеп кітапханасының ақпараттық қорын, оқулықтарын тегін қолдануға;
• Еңбектегі, оқудағы жетістіктері үшін алғыс білдірумен, Мақтау қағазы мен Құрмет грамотасымен, медальмен т.б марапатталуға;
• Құжаттарын, жеке іс қағазын, кету парағын толтырғаннан кейін ғана алуға (оқушының құжаттары тек ата-анасына немесе қамқоршысына беріледі)

ІІІ. Оқу-тәрбие үрдісіне қатысушылар МІНДЕТІ:

• Қауіпсіздік негіздерін, өрт қауіпсіздігі ережелерін, мектеп Жарғысы мен мектепішілік тәртіп ережесін сақтауға;
• Өзінің айналасындағы адамдарды сыйлап, өзін сыйлата білуге;
• Жеке басының, мектептің абыройын түсірмеуге;
• Сабаққа 10-20 минут ерте келуге;
• Ғимарат ішімен оның ауласын, сынып бөлмелерін таза ұстауға;
• Мұғалімді тұрып қарсы алып, рұқсатымен отыруға, сол сияқты сабақ уақытында кірген үлкен кісілерді де қарсы алуға;
• Оқушылар сабаққа міндетті түрде оқу құралдарын, спорттық киімдерін әкелуге;
• Мектеп кітіпханасынан берілген оқу-әдебиет құралдарын ұқыпты ұстауға: жоғалған, бүлінген жағдайда өз есебінен қалпына келтіруге;
• Сынақтар мен емтихандарды бекітілген ережеге сай тапсыруға;
• Дене шынықтыру сабақтарында оқушылар спорттық киімдер киюге міндетті: футболка, спорттық костьюм және аяқ-киім;

11.Қазақстан Республикасы Білім және Ғылым министрінің 2016 жылғы 14 қаңтардағы №26 бұйрығымен бекітілген ережесін басшылыққа ала отырып, мектеп жарғысына сәйкес барлық мектеп оқушылары біріңғай талаптарды орындасын: мектепке оқушылар іскерлік, классикалық стильдегі ыңғайлы киіммен келу:

Қыздарға: ақ блузка, жилет, юбка (шалбар) және классикалық стильдегі қою көк пиджак;

Ер балаларға: қою көк түсті классикалық стильдегі костюм (жилет, шалбар, пиджак) ақ көгілдір, түсті көйлек, галстук.

Шаш үлгісі: ер балаларға-қысқа шаш үлгісі (креативсіз, өрімсіз); қыздардың шашы тиянақты жинаулы қажет.

ІҮ. Оқу-тәрбие үрдісіне қатысушыларға ТЫЙЫМ САЛЫНАДЫ:

• Мектепке және ауласына жарылғыш, салқын қару, өртке қауіпті, есірткі заттарды, алкогольдік ішімдіктерді, тұтынудың электрондық жүйелерін әкелуге және қолдануға;
• Мектепте және мектеп ауласында темекі шегуге;
• Құмарлық туғызатын ойындарды ойнауға және қолдануға;
• Өзінің және басқаның өміріне қауіп төндіретін, денсаулыққа зиян келтіретін іс-әрекеттер жасауға;
• Сабақ үстінде музыкалық құралдарын қолдануға;
• Мектепке бағалы заттар, ақша әкелуге, ұялы телефондарын сабақ үстінде қолдануға;
• Сабаққа кешігуге;
• Мектеп мүліктерін бүлдіруге, оқушының кінәсімен келтірілген материалдық залалды қайтаруға ;
• Мектеп әкімшілігінің рұқсатынсыз сабақтан басқа іс-шараларға босатуға;
• Себепсіз сабақты босатуға (себепті жағдайлар ауырғаны жөнінде анықтамамен және ата-ананың мектеп директорының атына жазылған өтінішімен)
• Діни атрибуттары бар киімдерді киюге және бас киіммен жүруге;
• Іскерлік стильге жатпайтын киімдерді киюге: (спорттық киімдер, футболкалар, джинсы, түрлі-түсті киімдер, қысқа белдемшелер)

Таныстым: -----------------------------------------------------------------------------

Ата-ана таныстым:------------------------------------------------------------------------

Күні:--------------------------------------------------------------------------------------